Baca juga dalam Bahasa Indonesia
Also read in English
Teu karaos, PSM Unpad parantos berkarya salami 43 taun. Kalayan ku umur 43 taun iyeu, PSM Unpad ngarayakeun ulang taun na ku cara anu béda kusabab pandemi anu lumangsung. Perayaan ulang taun ieu diayakeun sacara online ngalangkungan Zoom meeting dina dinten Saptu, 29 Méi 2021. Metode perayaan nu sacara daring ieu henteu mangaruhan sumanget sareng antusiasme anggota PSM Unpad. Perayaan ulang taun anu judulna “Discophoria” dihadiran ku Kang Arvin salaku palatih utama PSM Unpad, alumni PSM Unpad, sareng anggota aktif PSM Unpad.
Acara dibuka ku sambutan ti Kang Arvin, ogé harepan sareng do’a-do’a Kang Arvin kanggo PSM Unpad. Sanes Kang Arvin hungkul, ketua PSM Unpad sareng ketua palaksana acara ieu ogé masihan pidato. Acara diteruskeun ku nunjukkeun pidéo-pidéo persembahan anu parantos didamelan ku masing-masing grup sora. Pidéo persembahan anu ditampilkeun eta dina bentuk parodi video musik. Sanaos masih dina kondisi pandemi sapertos kieu, sadaya grup sora ti Soprano, Alto, Tenor, sareng Bass masih tiasa tuangkeun kreativitasna kana pidéo persembahanna masing-masing. Kaseueuran pidéo ieu dirékam ti bumi masing-masing anu teras digabungkeun sareng diédit kana pidéo parodi anu lucu. Parodi anu didamelna sapertos parodi video musik “Anak Sekolah” karya Chrisye buatan kelompok Alto, “Take on Me” laguna A-ha nu dibawakeun ku kelompok Tenor, “Still Loving you” laguna Scorpion nu dibawakeun ku kelompok Bass, sareng “Ratu Sejagad ” laguna Vonny Sumlang nu di bawakeun ku kelompok Soprano.
Acara teras langkung pikabungaheun ku permainan teka-teki silang antara kelompok sora. Henteu ngan ukur anggota aktip, alumni ogé ilubiung. Alumni katingali antusias pisan dina permainan ieu. Anggota aktip ogé seeur dibantuan ku para alumni dina ngeusian teka-teki silang. Permainan silang ieu dimeunangkeun ku kelompok sora Alto. Kaseruan ieu diteraskeun kalayan nerapkeun permainan kadua anu disebut “Focus on Me”. Kaulinan nu di laksanakeun saurang-saurang ieu ngasah fokus sareng daya émut unggal individu dina émut detil poto. Sami sapertos di permainan sateuacana, para alumni antusias pisan ilubiung dina permainan “Fokus on Me” ieu. Antusiasme alumni ieu timbul kusabab karaos kangen nalika masih janten anggota aktif PSM Unpad. Ti dieu, tiasa ditingali hubungan silaturahmi PSM Unpad henteu kantos putus. Saatos permainan réngsé, acara saterasna nyaeta nampilkeun pidéo judulna “Time Machine” anu eusina perjalanan, perjuangan, kabungahan, suka sareng duka PSM Unpad salami 43 taun.
Sateuacan réntétan acara ulang taun réngsé, alumni ngabagikeun carita ngeunaan pangalaman aranjeunna ogé suka jeung duka nalika di PSM Unpad. Perayaan ulang taun PSM Unpad ditutup ku penuh canda jeung tawa. Dina akhir acara aya poto bersama peserta nu hadir dina Zoom Meeting. Sanaos perayaan ulang taun ka-43 ieu karaos rada bénten ti perayaan taun-taun sateuacana kusabab teu tiasa pendak sacara langsung, sadaya anggota PSM Unpad tetep ngaraos haneutna kabersamaan. Dina kaayaan pandemi sapertos iyeu, moal mangaruhan sumanget pikeun tetep ngajalin tali silaturahmi antara anggota PSM Unpad. Opat puluh tilu taun parantos kalangkung, tangtosna seueur pelajaran anu tiasa diambil. PSM Unpad bakal teras berkarya sareng ngembangkeun deui dina taun-taun salajengna, sabab nyatana PSM Unpad gaduh perjalanan anu masih panjang.