Baca dalam Bahasa Indonesia
Read also in English
[5/09/20 unpadchoir.com] Dinten Saptu kamari (5/09), Paduan Suara Universitas Padjadjaran (PSM Unpad) ngayakeun salah sahiji agenda online na anu parantos disiapkeun ti baheula, nyaéta Malam Kaakraban 2020 anu ogé diayakeun pikeun ngarayakeun Tepang taun PSM Unpad ka-42.
Tepang taun PSM Unpad dina tanggal 21 Méi 1978 jeung unggal taun éta dirayakeun ku acara tepang taun anu biasana diayakeun di villa ku runtuyan agenda keur dua poè jeung sapeuting. Runtuyan kagiatan anu kaasup games-games biasana jiga lomba maén bola, lomba kurupuk jeung nulainna, dina taun ieu kudu diganti ku games-games daring anu ngajadikeun pamaén na jaga jarak jeung miluan maén na ti imah.
Dina Malam Kaakraban anu dimimitian tabuh 19.30 nganggo platform Zoom dihadiran ku langkung ti 120 urang nu ngacakup alumni PSM Unpad jeung anggota aktif PSM Unpad. Acara dibuka ku sambutan ti ketua pelaksana Malam Kaakraban taun 2020 nyaéta Aulia Azizah Putri, entragan 2018 teras dilajeungkeun ku sambutan ti wawakil alumni PSM Unpad nyaéta Drg. Hj. Sri Rahayu SK Diah, entragan 1978.
“Bagja tiasa ngiringan deui keur ngalaksanakeun silaturahmi sareng sadaya entragan PSM Unpad, tinu pangkolotna dugi ka nu pangngorana. Janten émut kumaha baheula nalika urang kumpul, kaayaanana tiasa haneuteun sareng seueur mémori di PSM Unpad, bahkan nalika acara online ieu ogé kaayaanana tetep tiasa haneuteun” kacatur salah sahiji alumni entragan 1999, Tika Novika.
Agenda saentos sambutan nyaeta muter vidéo persembahan anu didamel ti jauh-jauh poé sateuacan Malam Kaakraban dilaksanakeun. Vidéo persembahan ieu ngagambarkeun sora masing-masing nyaéta soprano, alto, tenor sareng bass. Kalayan téma Malam Kaakraban ieu nyaéta In Harmony, We Reminisce, masing-masing wawakil vidéo persembahan nampilkeun Vidéo nu ngatémakeun “Sono”. Unggal Vidéo na ngundang seuri jeung kabungahi ti pamirsana.
“Numutkeun kuring, pintonan vidéo persembahan nu paling dipikaresep, sabab unggal sora ngahasilkeun vidéo anu kreatif, unik sareng lucu. Salaku tambahan, persembahan vidéo ieu ogé nunjukkeun bédana antara kagiatan Paduan Suara Unpad sateuacan pandemi sareng ayeuna anu matak sono ogé. ” saur Franty, entragan 2019 anu ogé salah sahiji pamilon Malam Kaakraban 2020.
Bewara ngeunaan juara challenge teras ditampilkeun saatos vidéo persembahan. Slide dina Zoom nunjukkeun juara tina dua tantangan anu ogé mangrupikeun bagian tina runtuyan Malam Kaakraban. Duanana challenge eta entos disebarkeun salaku acara sateuacan Malam Kaakraban anu ngawajibkeun pamilon ngadamel vidéo singkat kana téma anu diusulkeun pikeun unggal tantangan. Salain ti dua pemenang dina unggal tangtangan, honorary mentions ogé disiarkeun dina vidéo-vidéo anu dijieun ku pamilon lainna anu teu meunang tapi tetep diaprésiasi ku ditayangkeun na deui.
“Seueur aprésiasi anu dipasihkeun tina kagiatan pra-acara, challenge dugi ka poé acara Malam Kaakraban. Kuring bersyukur tiasa ngalaksanakeun acara ieu sareng teu nyangka ogé yén réspon ti Akang, Teteh, sareng sadaya réréncangan pamilon na ti angkatan nu mimiti dugi ka anggota aktif anu paling muda positip sareng bungah tiasa ngiringan kana acara ieu. ” saur Aulia, ketua pelaksana Malam Kaakraban 2020.
Saatos panayangan vidéo persembahan sareng anu meunang challenge, diayakeun games-games anu ogé ngondang seuri jeung kabungah ti para pamilon. Rupa-rupa pertandingan disayogikeun jeung pamilon alumni sareng anggota aktip salaku pamaén utama. Sesi games ieu ogé mangrupikeun agenda terakhir tina runtuyan acara Malam Kaakraban.
Hymne Unpad dinyanyikeun dina akhir acara salaku panginget ngeunaan tradisi PSM Unpad ogé sacara simbolis nutup rangkaian acara sacara resmi. “Saatos nyanyi lagu Hymn Unpad dina akhir acara, kuring resep yén tujuan mimiti tina acara ieu, nyaéta ngahijikeun alumni PSM Unpad sareng anggota aktif PSM Unpad, tiasa kahontal sareng sajarah anu anyar dimana acara ieu diayakeun sacara online tapi tetep tiasa ngundang seueur seuri anu tiasa kahontal. ” kacatur Aulia.
“Tetep sumanget dina kaayaan sapertos kieu, tetep jaga hubungan sareng tetep kuat dina gaduh rasa mimilik di PSM Unpad.” kacatur Tika, anu ogé pesen ka sadaya anggota aktif PSM Unpad ayeuna.
Penerjemah: Chika Trinita