Antusiasme dina Raraga Parsiapan Konser Choralboration sareng Ken Steven: "Urang Siap!"

Baca juga dalam Bahasa
Read also in English

Dina rangka ngarayakeun tepang taun sang composer Indonesia nu kasohor Ken Steven, mangrupakeun konser kolaborasi nu miboga tajuk Choralboration Concert  anu baris dilaksanakeun dina kaping 20 Mei 2018 di Dago Tea House, Bandung. Ken Steven ngajak saderet musisi-musisi ti sagala rupi kasang pengker musik nu beda kangge kolaborasi dina nampilkan sagala rupi hasil karyana sorangan salila ancrub di dunia musik lemah cai atawa internasional. Paduan Suara Mahasiswa UNPAD teu katinggaleun kangge ngiring partisipasi ku nyanyikeun 11 lagu Ken Steven nu kabagi kana male choir, female choir, jeung mixed choir. Diiringan ku tarian nu basajan kangge sababaraha lagu minangka nu ngahias panampilan. Konser ieu mangrupakeun rangkaian tina parayaan tepang taun Ken Steven nu ka-25, minangka wujud syukur sarta ucapan tampi kaasih na ku pangrojong jeung kapercayaan ti sagala rupi paduan suara nu parantos ngabawakeun karya na nu dugi ka mancanagara.



"Wanci ngajuri di FPS ITB nu ka 25 kamari, simkuring kataji pisan ku kualitas jeung musikalitas ti PSM Unpad nu dipupuhuan Pak Arvin Zeinullah. Sedengkeun Aperto Singers nu dipupuhuan Bu Fatmawati Djunaidi mangrupakeun paduan suara kahiji di Indonesia nu ngabawakeun karya simkuring waktos harita dina tahun 2009. Bapak Daud kosasih sorangan nyaeta guru simkuring dina bidang musik jeung komposisi, dugi ka ayeuna urang masih tuluy kolaborasi jeung ngahasilkeun karya-karya nu endah. Sedengkeun Daniel Alexander jeung Rony Gunawan nyaeta 2 sobat musisi simkuring nu ngasuport pisan jeung tuluy ngamotivasi simkuring pikeun jadi langkung sae.” Ceuk Ken steven sang Komposer, ngeunaan kaikutsartaan para musisi nu kagabung dina konser na ayeuna.

Latihan dintenan PSM Unpad kangge konser kolaborasi ieu parantos dilaksanakeun saprak kaping 15 Februari 2018 sacara rutin dina sababaraha dinten di unggal mingguna, nu diorganisir ku Arie Cipta Laras Metti salaku pananggungjawab utami kagiatan, Chandra Ryan salaku Choir Manager, sarta dibantos ku Ahmad Aldi Purnama.

"Simkuring ngaraos gumbira ku pangalaman ieu! Salaku pananggungjawab utami, nu diurus mimiti nyaeta naroskeun ngenaan kasadiaan para panyanyi PSM Unpad kangge ngiring dina konser, ti mimiti akang teteh senior jeung alumni, dugi ka adi-adi ti angkatan 2016 jeung 2017. Simkuring oge kedah nyiapkeun 11 partitur kangge satiap tembangna, sarta kalengkapan kostum nu baris diangge para panyanyi. Kang Ken Steven oge masihan amanah ka simkuring kangge ngurus bagean ticketing, nu mangrupakeun pangalaman nu anyar kangge simkuring. Saleresna teu aya hahalang dina salami kagiatan ieu, iwal meureun rasa lungsenya Hehe, Ayeuna PR simkuring ngan ngeunaan panjualan tiket jeung oge kangge mastikeun yen unggal panyanyi siap ku teknis jeung hafalan tembang sarta gerakan nu baris ditampilkeun”. Ceuk Laras salah sahiji panyanyi Alto 1 ti PSM Unpad.

Harapan simkuring, konser ieu bisa dihadiran ku sadaya masyarakat nu utamina ti kalangan pemusik jeung mugia kerjasami nu tos dijalin antar PSM Unpad jeung Ken Steven bisa ngajadikeun awla nu sae kangge masing-masing pihak supaya bisa ngarya nu langkung sae deui jeung menangkeun apresiasi masyarakat” Ceuk laras deui.



Senen kamari (7 Mei 2018), dilaksanakeun kagiatan latihan gabungan antawis PSM Unpad sareng Aperto Singers anu diayakeun di Gedong Beungkeutan Alumni Unpad, DIpatiukur. Kagiatan ieu dipingpin ku Ken Steven sorangan kalwan watak na anu marahmay, haneut sarta sumanget. Latihan kanggo salah sahiji tembang encore anu bade dinyanyikeun ku sakumna musisi oge dipersae kalawan sagala mangrupi instrument music anu dipaenkeun ku Daniel sarta Ronny. Teu hilap, Ken Steven oge nambihan sesi games berhadiah minangka selingan hiburan anu mibungah kalawan maksad ngakrabkeun sakumna penyanyi anu nyondong dina wengi eta, sateuacan saterasna ditungtungan kalawan sesi poto sasarengan. Anjeuna oge ngiring ngungkapkeun kareeusannana kana penyanyi-penyanyi anom ti PSM Unpad anu saur anjeuna mangrupi tim anu disiplin, teratur, responsive sarta calakan, nu nyebabkeun sadaya kagiatan anu dipingpinna tiasa mapan kalawan sae sarta ngagumbirakeun.

“Bener-bener pangalaman anu benten ti latihan biasana! Karasa pisan suasana positipna waktos latihan sareng Ken Steven. Watakna anu marahmay sareng nirmala midamel abdi tambah sumanget latihan tembangna, utamana kanggo tembang Kampuang Nan Jauh di Mato. Latihan kalawan pamaen flut sarta pianis oge beuki nambihan kaendahan tembang aransemen komposer anom berbakat Indonesia ieu!”, saur Shan Diaspora, salah sahiji penyanyi Alto 1 angkatan 2015.


Konser parayaan teupang taun sang komposer anu dijudulan Choralboration : Performing The Choral Works of Ken Steven ieu bade diayakeun sarta dibuka kanggo khalayak umum dina kaping 20 Mei 2018 di Dago Tea House, Bandung. Kanggo inpormasi atanapi reservasi langkung mimiti tiasa ngahubungi Laras ti PSM Unpad (085721613130) sareng Leonore ti Aperto Singers (08112252565). Dugi pependak di Choralboration Concert!
 

(Aysa Novira Yunaz)
Juru Basa: Muhammad Iqbal & Richard Ismail

EVENTS


TESTIMONIALS

umar-hadi.jpeg
Umar Hadi Duta Besar RI untuk Korea Selatan - "Penampilan PSM Unpad tadi sangat menarik. Energi dari penampilan tadi sangat terasa. Dari segi harmonisasi suara yang ditampilkan anggotanya sangat terdengar. Satu hal yang membuat saya semakin salut adalah stamina dari anggota PSM Unpad yang tetap terjaga walaupun mereka menyanyikan banyak lagu. Rupanya hal tersebut telah terasah dari latihan sebelumnya."
aher.jpeg
Ahmad Heryawan Gubernur Jawa Barat - "Penampilan PSM Unpad bagus. Mereka dapat menjiwai tiap lagu yang ditampilkan. tetap kompak dan semangat menjalani latihan untuk terus menjadi teladan bagi paduan suara mahasiswa di Indonesia."
rudiantara.jpeg
Rudiantara Menteri Komunikasi dan Informatika RI - "Penampilan PSM Unpad tadi sangat berkesan bagi saya. Mereka menampilkan nyanyian disertai dengan gerakan dengan sangat rapih. Tetap semangat untuk berproses bagi PSM Unpad."
imamha.jpeg
Imam Nahrawi Menteri Pemuda dan Olahraga - "Penampilan PSM Unpad memang luar biasa. Saya pernah melihat video ketika PSM Unpad berada ke luar negeri, bagi saya sendiri hal itu sangat luar biasa dan jelas membanggakan Indonesia. PSM Unpad memang pantas menjadi juara dalam beberapa kompetisi karena semangatnya, perjuangannya, soliditasnya, dan pengorbanannya. Saya senang sekali dengan penampilan tadi."



TWITTER FEEDS

Jalan Dipati Ukur No 35 Bandung, 40132
Phone: +6285324005478 | E-mail: unpadchoir@yahoo.com