Enchanting Chants: Tembang Pesona Angkatan nu Pangngorana PSM Unpad

Baca juga dalam Bahasa Indonesia
Read also in English

Dina semarak tepang taun nu ka-40, PSM Universitas Padjadjaran sukses deui pikeun ngaggelar Konser Intern Ka- 13, Salasa (24/4). Konser nu miboga tajuk Enchanting Chants digelar di Graha Sanusi Hardjadinata, kampus Universitas Padjadjaran Dipatiukur. Konser dua angkatan nu pangngorana di PSM Unpad ieu junun nyieun Graha Sanusi pinuh sesek ku jumlah panongton nu ngabludag nepikeun ka 800 panongton. Nurutkeun Ketua Pelaksana Konser Intern ka-13 ieu, Richard Ismail nyatakeun yen Enchanting Chants miboga harti tembang nu miboga pesona. “Urang sadaya hoyong nyampaikeun yen PSM Unpad miboga karya-karya nu ngabogaan pesona jeung ngahibur lewat dua angkatan nu pangngorana.” Ceuk lalaki nu kaasup kana sora Tenor ieu.

Konser intern ka-13 ieu lain saukur ajang pikeun unjuk gigi dua angkatan pangngorana PSM Unpad hungkul, tapi pikeun ajang debut kangge para konduktor ngora PSM Unpad. Dewanti Ramadhani misalna, salaku Konduktor sesi Klasik, mangrupakeun anggota aktif sakaligus tim teknis PSM Unpad angkatan 2013. Konser Enchanting Chants mangrupakeun konser kahiji Dewanti salaku Konduktor. “Awalna simkuring pesimis ku teknik nembang jeung heureutna waktu oge. Tapi nya nu pada akhirna peuting ieu, simkuring jeung tilu konduktor nu sejen junun ngabawa Enchanting Chants nyanyikeun musik nu endah di luhur panggung. 4 bulan kurang leuwih latihan rerejeungan akhirna kabayar oge dipanggung peuting ieu.” Ceuk Dewanti.



Konser Enchanting Chants kabagi kana 4 sesi, nyaeta Klasik, International Song, Popular Song, jeung Indonesian Folksong. Masing-masing sesi dipimpin ku Konduktor nu beda.
Konser dibuka ku tembang nu judulna Who Shall Have My Lady Fair  karya Robert Lucas Pearsall ti sesi Klasik. Sesi klasik ieu dipimpin ku Dewanti Ramadhani Mandira salaku Konduktor. Jeung notasi oge dinamika nu caria, lagu ieu mampu ngabuka konser jadi endah. Dina sesi ieu diwangun ku 5 tembang ti 5 komposer nu hebat dina masana. Salah sahiji tembang nu ngamukau panongton nyaeta Gaur Akelarre karya komposer nu kasohor nyaeta Josu Elberdin. Tembang nu nyaritakeun ngenaan panyihir-panyihir nu menang ngalawan Intxixuak, salah sahiji legenda masyarakat Basque ieu nyieun panongton kasima jeun merekeun tepukan nu rame di akhir tembang.

Jeung kostum nu warna na hejo nu sasuai jeung warna ti Enchanting Chants, para panembang ngamulai nembangkeun tembang sesi International Song nu dipimpin ku Karisman Ferdinandus, Sesi ieu dibuka ku tembang Dindaru Dandaru ti Latvia karya Lat. Tdz Vardi Lauras Jekabsones muzika. Panampilan panyanyi dina tembang ieu beda jeung nu sejena, dimana biasana panyanyi ngan saukur nangtung diluhur panggung, tapi dina tembang ieu panyanyi nguriling muteran Graha Sanusi Hardjadinata. Suasana nu riuh panongton beuki ngarasa pas tembang Balleilakka ti India karya Arranger Ethan Sperry dinyanyikeun. Jeung tarian khas India nu di tarikeun ku sababaraha panyanyi ngajadikeun panongton kahibur. Lantunan tembang jeung melodi khas nagara Taj Mahal nu dinyanyikeun ku soli Sopran jeung Tenor ieu ngajadikeun panongton kasima. Teu ngan saukur dua lagu eta, tapi dina sesi International Songieu panongton kawas dibawa ngurilingan dunya. Ti mimiti Latvia, Amerika Latin, India, Perancis, nepi ka Afrika.

Masih jeung kostum warna nu sarua, panongton tuluy dibawa ka sesi nu sejen nyaeta sesi Popular Song nu dipimpin ku Fernandes Ginting salaku Konduktor. Dina sesi ieu, panongton dihibur ku ragam iringan musik nu rame. Ti mimiti band, perkusi, iringan piano, brass ensemble, nepi ka contrabass. Riuh panongton balik kakuping sabot melodi Bohemian Rhapsody karya musik kelas dunya nyaeta Freddie Mercury ieu ditembangkeun. Panongton dijieun kasima ku iringan Band nu ngamukau ditambah ekspresi jeung gesture panyanyi nu nyoba nyampaikeun eusi tina pesen lagu. Sesi ieu ditutup ku tembang Sing karya grup Pentatonix jeung Arranger Mark Brymer nu meriah. Tembang Sing ieu ngajadikeun panongton rame ti 800 panongton nu ngeusi Graha Sanusi Hardjadinata wengi eta. Panyanyi ku iringan band, lantunan saxophone  jeung brass ensemble nu ekspresif nyieun panongton kapukau jeung teu segen kangge masihan applause.



Anjog kana pangujung sesi tina Konser Intern ka-13 Enchanting Chants nyaeta sesi Indonesian Folksong jeung konduktor Adam Prana Surya. Lima tembang ti unggal daerah ti sagala rupa daerah di Indonesia dibawakeun; Maluku, Padang, Nusa Tenggara Timur, Jawa Barat, jeung Sumatera Utara. Di sesi Indonesian Folksong ieu, para panyanyi make sagala rupa anggoan adat ti satiap daerah nu nyieun sesi panutup ieu makin rame jeung Indonesia pisan.

Di sesi nu dipimpin ku Adam Prana Surya ieu, aya tembang Badminton nu asalna ti taneuh Padjadjaran karya Mang Koko nu diaransemen ku Nugraha Ti Utami. Ku iringan kendang khas Jawa Barat lagu ieu dinyanyikeun ku merduna jeung kaendahana. Salain sababaraha tarian khas sunda, di lagu ieu oge disartkeun aksi teratrikal ku dua panyanyi nu ngaragakeun olahraga badminton. Hadirna dua nu ngaragakeun atlet ieu ngajadikeun karamean panongton. Sesi Indonesian Folksong ditutup ku lagu Cikala Le Pong Pong nu diaransemen ku composer jeung arranger nu kasohor nyaeta Ken Steven. Minangka panutup konser Enchanting Chants, tembang Amigos Para Siempre aransemen Mac Huff dipilih. Tembang nu dinyanyikeun jeung konduktor Dewanti Ramadhani ieu jadi panutup konser nu endah.



Jeung dinyanyikeuna tembang Hymne Universitas Padjadjaran, Kamariahan Konser Intern ka-13 Enchanting Chants wengi eta ditutup, salah sahiji panongton wengi eta ngungkapkeun yen anjeuna kasima jeung hoyong deui nongton PSM Unpad. ”Luar Biasa. Beda pisan jeung PSM-PSM nu sejenna, kumargi simkuring oge resep nongton PSM lain jeung emang panampilan PSM Unpad paling mantap. Komo deui tembang Badminton, kumargi simkuring orang sunda oge jadi simkuring resp tembangna. Pecah Pisan lah Wengi ieu.” Ceuk Sabit.   

Unggal Konser Intern PSM Unpad, sok aya peran ti Supervisor ti unggal sesina. Supervisor ieu nyaeta akang jeung teteh nu tos pernah jadi Konduktor di unggal sesi di Konser Intern sateuacana. Salah sahiji Supervisor sesi Indonesian Folksong jeung Internastional Folksong, Yoga Pranata nyatakeun yen teu aya nu beda sacara signifikan antara Konser tahun ayeuna jeung sateuacana. “lamun ngajar salaku konduktor jeung Supervisor ayeuna, sabenerna sarua wae. Namung bedana waktos janten Supervisor kudu ngajarkeun panyanyi jeung konduktorna. “Ceuk Yoga. Waktos ditaros ngenaan tantangan salila jadi Supervisor, Yoga ngaku yen dina tahun ieu tantangana nyaeta teknik dasarna. “Simkuring ngilu ngabimbing teh 1 bulan nu akhir jeung sababaraha teknik dasar ti unggal sora emang jadi tantangan nu signifikan dina tahun ieu. Untungna, waktos simkuring ngajarkeun cara-cara supaya teknik dasarna leuwih hade, panyanyi gesit nangkep. Eta positifna. Jadi simkuring waktos ngajar bisa sinkron jeung panyanyi pikeun ngabentuk teknik-teknik dasar nembangna. “Tambah Yoga.

Konser intern ieu sok diartikeun minangka konser kahiji pikeun anggota anyar PSM Unpad jeung konser kalulusan pikeun angkatan nu parantos 1 tahun di PSM Unpad. Dina Enchanting Chants tahun ieu, 2017 jadi anggota nu paling junior di PSM Unpad jeung Konser Intern ieu jadi debut kangge aranjeuna. Salah sahiji panyanyi angkatan 2017 M.Rifat ngaku yen anjeuna ngaraos gumbira pisan jeung pangalaman kahijina Konser di PSM Unpad.”Lega kumargi akhirna pajuangan 4 bulan latihan kabayar tadi di luhur panggung.”Ceuk lalaki nu sok disauran Mgs.

iin Novianti , salah sahiji panyanyi ti angkatan 2016 nu parantos ngiringan Konser Intern nu kadua kalina oge nyatakeun yen ajeuna ngaraos gumbira lantaran akhirna anjeuna jeung angkatan 2016 nu sejena junun ngarengsekeun Konser Intern Ieu. “Abi ngaraos gumbira bisa aya dina tim ieu, dimana abi parantos jadi akang teteh nu kuduna ngabimbing adi-adi 2017. Gawe babarengana kaasup hade antara 2017 jeung 2016. Abi ngaharepkeun mugia 2017 di konser nu kadua na bisa tuluy tahan pikeun ngambimbing adi-adi na nu sahingga panerus PSM Unpad miboga kualitas nu hade jeung kuantitas na bisa leuwih jeung leuwih loba deui.” Ceuk Iin.



Dina konser nu ayeuna, PSM Unpad miboga kasempatan kangge ngajalin kerjasama jeung sababaraha pamaen musik nu miboga kaahlian masing-masing. Ti awal sesi klasik nepi ka Indonesian Folksong, PSM Unpad nyuguhkeun alunan musik nu mangrupa-rupa. Salah sahiji pangiring tembang Yesterday nu diaransemen ku Ray Jefryn dan Arvin Zeinullah nyaeta Muhammad Wiku Al-Fazri nyatakeun yen pangalaman ngiringkeun paduan suara anyar anjeuna lakukeun waktos kerjasama jeung PSM Unpad.” Kumargi mimiti maen jeung Paduan Suara jeung langsung maen jeung PSM Unpad nu ngabogaan track record keren, pastina simkuring ngaraos deg-degan, tapi sakaligus bungah pisan.” Ceuk Contrabassist ieu.

Salaku palatih nu utami PSM Unpad, Arvin Zeinullah nyampaikeun yen konser intern ieu sok jadi ajang diajar kangge tanggel waler jeung mikacinta paduan suara kangge angkatan pangngorana PSM Unpad. Anjeuna miharep yen ku rengsena Konser Intern ieu para anggota PSM Unpad beuki mikacinta PSM Unpad dina sagala kondisi. “Simkuring ngaapresiasi pisan kangge para panyanyi jeung para konduktor, nu atos ngalaksanakeun Konser Intern ku standard PSM Unpad ditengah waktos jeung situasi nu heureut ieu. Mugia kahareupna urang sadaya rerejeungan bisa diajar tina sistem perkuliahan jeung oge waktu di PSM nu kaitung heureutna tina hiji acara kanu acara sejena. Urang sadaya tetep bisa nampilkeun Konser Intern nu leuwih alus, alus jeung leuwih alus deui. “Ceuk Arvin.

(Ningrum Wahyudi).
Juru Basa: Muhamad Iqbal

EVENTS


TESTIMONIALS

umar-hadi.jpeg
Umar Hadi Duta Besar RI untuk Korea Selatan - "Penampilan PSM Unpad tadi sangat menarik. Energi dari penampilan tadi sangat terasa. Dari segi harmonisasi suara yang ditampilkan anggotanya sangat terdengar. Satu hal yang membuat saya semakin salut adalah stamina dari anggota PSM Unpad yang tetap terjaga walaupun mereka menyanyikan banyak lagu. Rupanya hal tersebut telah terasah dari latihan sebelumnya."
aher.jpeg
Ahmad Heryawan Gubernur Jawa Barat - "Penampilan PSM Unpad bagus. Mereka dapat menjiwai tiap lagu yang ditampilkan. tetap kompak dan semangat menjalani latihan untuk terus menjadi teladan bagi paduan suara mahasiswa di Indonesia."
rudiantara.jpeg
Rudiantara Menteri Komunikasi dan Informatika RI - "Penampilan PSM Unpad tadi sangat berkesan bagi saya. Mereka menampilkan nyanyian disertai dengan gerakan dengan sangat rapih. Tetap semangat untuk berproses bagi PSM Unpad."
imamha.jpeg
Imam Nahrawi Menteri Pemuda dan Olahraga - "Penampilan PSM Unpad memang luar biasa. Saya pernah melihat video ketika PSM Unpad berada ke luar negeri, bagi saya sendiri hal itu sangat luar biasa dan jelas membanggakan Indonesia. PSM Unpad memang pantas menjadi juara dalam beberapa kompetisi karena semangatnya, perjuangannya, soliditasnya, dan pengorbanannya. Saya senang sekali dengan penampilan tadi."

konser-tahunan-21-canticum-novum.jpg

TWITTER FEEDS

Jalan Dipati Ukur No 35 Bandung, 40132
Phone: +6285324005478 | E-mail: unpadchoir@yahoo.com